നഹാസ്
ഇവനെ ഞാന് എന്താ പറയുക ഒരു താന്തോന്നി. എന്ത് പറഞ്ഞാലും പാലം കുലുങ്ങിയാലും കേളന് കുലുങ്ങില്ല എന്ന ഭാവം. വളരെ കൂളാനിവന് . എങ്കിലും ചില സമയത്തെ ഇവന്റെ സംസാരം കേട്ടാല് നല്ലൊരു അടി പറ്റിക്കാന് തോന്നും. എന്തൊക്കെയായാലും എനിക്കിവനെ ഇഷ്ടമാണ്.
Wednesday, December 9, 2009
Tuesday, December 8, 2009
ഡിസംബര്
Sunday, December 6, 2009
യാത്ര
കുട്ടികാലത്തെ എന്റെ മോഹങ്ങളിലൊന്ന് ഒരുപാട് യാത്ര ചെയ്യണം എന്നതായിരുന്നു. അതൊരു അധിമോഹമായിരുന്നത് കൊണ്ടാവാം എന്റെ ജില്ല പോലും നേരാവണ്ണം കാണാനുള്ള ഭാഗ്യമില്ലാതെ പോയി. പിന്നൊന്ന് ഒരുപാട് പുസ്തകങ്ങള് വായിക്കനമെന്നതായിരുന്നു.
എന്റെ സ്കൂളില് ഒരിക്കലും തുറക്കാത്ത ഒരു വായനശാല ഉണ്ടായിരുന്നു. ക്ലാസില് ഏറ്റവും കൂടുതല് മാര്ക്ക് വാങ്ങുന്ന പത്തു കുട്ടികള്ക്ക് ടീച്ചര് ആ വായനശാലയില് നിന്നു പുസ്തകമെടുത്തു കൊടുക്കുമായിരുന്നു. എല്ലാ ടേം എക്സാം കഴിയുമ്പോഴും എനിക്കും കിട്ടിയിരുന്നു ഒരു പുസ്തകം. പക്ഷെ അത് വീടിലേക്ക് കൊണ്ടുപോകാന് എനിക്ക് ഭയമായിരുന്നു.
ഒരിക്കല് ഒരു കൂട്ടുകാരിയുടെ പക്കല് നിന്നു വാങ്ങിയ ബാലരമ്മ അമ്മ നുള്ളികീറിഅടുപ്പത്തിട്ടു. ഒന്നുകില് ബാലരമ്മ മടക്കി കൊടുക്കണം അല്ലെങ്കില്അതിന്റെ വിലയായ അഞ്ചു രൂപ കൊടുക്കണം. ഞാന് ആകെ വിഷമിച്ചുപോയി.
പഠികേണ്ട സമയത്ത് പഠിക്കുക അതായിരുന്നു അമ്മയുടെ നിലപാട്. മറ്റു പുസ്തകങ്ങള് വായിക്കുന്നതും കലാപരിപാടികളില് പങ്കെടുക്കുന്നതുമൊക്കെ പഠനത്തെ ബാധിക്കും എന്നാണ് അമ്മ പറയാറ്. അതുകൊണ്ട് തന്നെ പുസ്തകം വീടിലേക്ക് കൊണ്ടു പോകാന് ഞാന് ഭയന്നു. ക്ലാസ്സ് കഴിഞ്ഞുള്ള ഇടവേളകളില് ഞാന് ആ പുസ്തകം വായിച്ചു തീര്ത്ത് അത് പുസ്തകം കിട്ടാത്ത എന്റെ കൂട്ടുകാര്ക്ക് നല്കുമായിരുന്നു.
മൂന്നാമത്തേത് എന്റെ ഏതെങ്കിലും ഒരു പിറന്നാളിന് മഞ്ഞയില് സ്വര്ണ നൂലിഴകളോട് കൂടിയ കരിപച്ച ബോടറുള്ള പട്ടുടുപ്പും പാവാടയുമിട്ട് അമ്പലത്തില് പോകന്നമെന്നതായിരുന്നു
ഒടുവില് ഒരിക്കലും നടക്കാത്ത സ്വപ്നങ്ങള് എന്ന് വിധിയെഴുതി ഞാന് എന്റെ മോഹങ്ങളേ മറക്കാന് ശ്രമിച്ചു. ഒരു പാഴ് ശ്രമം.
വര്ഷങ്ങള്ക്കിപ്പുറം ഞാന് സന്തോഷവതിയാണ് . എന്റെ കുട്ടിക്കാല സ്വപ്നങ്ങള് സഫലമാകുന്നു. അതിന്റെ മുഴുവന് നന്ദിയും ആദ്യം ഞാന് ഈ പ്രപഞ്ചത്തെ നിയന്ത്രിച്ചു നിര്ത്തുന്ന ദൈവമെന്ന അത്ഭുദ പ്രദിഭാസത്തിനു നല്കുന്നു. എന്തുകൊണ്ടെന്നല്ലേ പറയാം.
തുടരും.......
Subscribe to:
Posts (Atom)